Statusoppdatering for skitrekk i Mørkveslia

Myrkdalen Fjellandsby har i lengre tid arbeida med å få på plass to nye skitrekk i Mørkveslia hytteområde. Desse heisane vil utvida sørsida av Myrkdalen Skisenter og gje ski inn/ut-moglegheiter for fleire hytter. Me synest det er synd at me no må kunngjera at heisane ikkje vil stå klare til sesongstart 24/25.

Forseinkinga kjem av endringar knytt til regelverk av skredsikring. I likskap med andre skidestinasjoner, strekk heisane i Mørkveslia seg opp i fjellområda som potensielt har skredfare vinterhalvåret.

I korte trekk går den nye praksisen ut på at ein ikkje lenger får godkjent å stengja i periodar med utfordrande ver som generelt kan gje skredfare i fjellet. Denne endringa kom midt i vår prosjekteringsfase, og er den direkte årsaka til at framdrifta i prosjektet har blitt kraftig bremsa.

Sidan i fjor har me arbeida intenst med å finna nye løysningar. Me har no kome fram til det me meiner er gode alternativ. Noverande status er at me ventar på endeleg svar frå Noregs Vassdrags- og Energidirektorat, før bygging kan gjennomførast.

Skitrekka er ferdig produserte og ligg klare hjå leverandøren. Så fort me får godkjent dei foreslåtte tiltaka for endeleg sluttprosjektering, vil me begynne montering.

Det vert buss frå Mørkveslia til Myrkdalen Hotel kl. 10.00 kvar laurdag og søndag, samt i feriar.